Мемлекет басшысы бизнестің карантиндік шараларға байланысты проблемалары мен мұн-мұқтажын назарға алды. Бүгін елдегі COVID ситуациясына қатысты жиын өткізіп, бір қатар шұғыл тапсырма берді, олардың қатарында кәсіпкерлерді қолдауға арналған шаралардың жедел пакетін қабылдау бар

Президент коронавирусқа байланысты жағдай тым мүшкіл екенін атап өтті. Эпидемия өршіп барады, ауру жұқтырудың өскені тіркеліп, вирустың мутацияланған жаңа штамдарының пайда болуда. Мұны Қазақстан ғана емес, көптеген елдер бастан өткеруде. Алайда пандемиямен күрестің сәтті өтуі – елдің бәсекеге қабілеттілігінің негізгі элементтерінің біріне айналып отыр.
Президент уәде етілген 1 ақпаннан іске асуы керек жаппай вакцинациялау басталмағанын атап өтті, елде халықтың 0,1 пайызға да жетпейтін бөлігі вакцина алған. Пандемия басынан бір жылдан астам уақыт өтті, ал коронавирусқа қатысты мәселе әлі де қатаң шектеулер және тыйымдармен шешіліп келетінін айтты.
«Атамекен» санитар дәрігерлердің әрекеті болжамды әрі түсінікті болуы үшін санитар дәрігер және бизнестің өзара әрекеттесуінің нақты алгоритмін қабылдау мәселесін бірнеше рет көтерген болатын. Бүгін бұл түйткілді Президент ереше атап өтті. Кәсіпкерлердің мәселелерін шұғыл шешу мақсатында Мемлекет басшысы Үкіметке мынадай шаруаны шұғыл қолға алуды тапсырды.
Мемлекет басшысы Ashyq жобасының қолданыс ауқымын кеңейтуді тапсырды. Осыған дейін Ұлттық палата мамандары цифрлық мониторинг қатаң карантинге балама бола алатынын атап өткен. Қазіргі кезде Қарағанды, Нұр-Сұлтан және Алматыда пилоттық жобаға 322 кәсіпкерлік субъектісі қатысып жатыр.
Президент кәсіпкерлердің тағы бір түйткіліне – мониторингтік топтардың жүйесіз тексерулер өткізуіне тоқталып өтті. «Атамекенге» кәсіпкерлер мониторингтік топтар тарапынан заңсыз тексеру жүргізу фактілерімен жиі шағым түсіреді.
«Кімді қашан тексерем, өзім білем» принципін жою үшін «Атамекен» тексеруді цифрлық платформада алдын ала міндетті тіркеуді енгізуді ұсынды, осылайша кәсіпкерлер тексерудің жоспарлы жүргізілетінін білетін болады.
Мемлекет басшысы рейдтер кезіндегі заңбұзушылықтарға шағымдар қабылдайтын колл-орталық құруды ұсынды.
толығырақ https://atameken.kz/kk/news/42083-prezident-poruchil-podderzhat-biznes 

8 қазанда Армения Республикасының экономика министрлігі Арменияның іскер топтар өкілдерімен кездесу ұйымдастырды. Оған Еуразиялық экономикалық комиссияның (ЕЭК) лауазымды адамдары қатысты, атап айтқанда: Андрей Слепнев, ЕЭК сауда жөніндегі алқа мүшесі (Министр); Тимур Джакиликов, ЕЭК экономика және қаржы саясаты жөніндегі алқа мүшесі (министр); Артак Камалян, ЕЭК өнеркәсіп және агроөнеркәсіптік кешен жөніндегі алқа мүшесі (министр); Гегам Варданян, ЕЭК Ішкі нарықтар, ақпараттандыру, ақпараттық-коммуникациялық технологиялар жөніндегі алқа мүшесі (министр) ; Виктор Назаренко, ЕЭК Техникалық реттеу жөніндегі алқа мүшесі (министр).

Армения экономика министрінің орынбасары Варос Симонян өзінің кіріспе сөзінде экономика министрлігінің атынан Еуразиялық экономикалық комиссияның лауазымды тұлғаларын және іс-шараға қатысушыларды құттықтап, бұл кездесу бизнеспен диалогтың дамуына жаңа серпін береді және Одақтың белгілі бір мақсаттарына қол жеткізу үшін барлық күш-жігерді шоғырландыруға көмектеседі, интеграциялық процестерді тереңдету үшін негіз болады деп үміттенетінін білдірді.

"Өзара саудадағы кедергілерді жою Еуразиялық экономикалық одақ басымдықтарының бірі болып табылады, оның мақсаты – кәсіпкерлердің ЕАЭО-ға мүше мемлекеттердің нарықтарына қол жеткізу еркіндігін тарылтатын қандай да бір шектеулерсіз ішкі нарықтардың жұмыс істеуін қамтамасыз ету. Интеграциялық серіктестермен бірге ортақ экономикалық кеңістікті қалыптастыруға кедергі келтіретін олқылықтарды жоюды жалғастыру қажет деп санаймыз. Капитал мен жұмыс күшінің еркін қозғалысы үшін қолайлы жағдайларды қамтамасыз ету, көлік инфрақұрылымын жаңғыртудың ірі жобаларын жүзеге асыру мақсатында тауарлар мен көрсетілетін қызметтердің бірыңғай нарықтарын құру, тиімді логистикалық тораптарды құру, Одақтың транзиттік әлеуетін арттыру жөніндегі күш-жігерді жандандыру маңызды. Біздің интеграциялық бірлестігіміз шеңберінде тең құқықты ынтымақтастықты арттыру сайып келгенде бизнесті жүргізу және адами әлеуетті толыққанды іске асыру үшін қолайлы жағдайлар жасауға қызмет етуге тиіс екеніне сенімдіміз", - деп атап өтті Варос Симонян.

Содан кейін кездесуге қатысқан кәсіпкерлер Еуразиялық экономикалық комиссия министрлеріне өздерін қызықтырған көптеген сұрақтарды қоюға және толық жауаптар мен түсініктемелер алуға мүмкіндік алды. Бизнес өкілдерінің сұрақтары негізінен тауарларды экспорттау кезінде туындайтын мәселелерге қатысты болды.

Арменияның бизнес-қоғамдастығы өкілдерімен кездесуге дейін ЕЭК министрлері журналистермен де кездесу өткізген.

ақпарат көзі: https://mineconomy.am/ru/news/2138 

Жаңа ережелер мониторингтік топ тарапынан кәсіпкерлік нысандардың тексеруде 5 критерийді басшылыққа алады

 Құжат 19 желтоқсанда «Атамекен» ҚР Ұлттық кәсіпкерлер палатасының алгортим мониторингті топтарға нақты критерийлерді қарастырмайтыны туралы мәлімдемесінен кейін қабылданды.

 «7 желтоқсанда қабылданған мониторингтік топ жұмысының алгоритмі мониторингтік топтар құрамының ашықтығы, тексеруге негіздеме және тексеруді нысанда өткізу тәртібіне қатысты бірқатар сұрақтарды ашық қалдырды. Ведомствоаралық комиссияда біз бизнестің осы мәселеге қатысты алаңдаушылығын білдіріп, алгоритмнің кемшілігін реттеуге бағытталған бірақатар ұсыныс айттық. Қорытынды мәтін біздің барлық ұсыныстарымызды қамтымаса да мәселелердің кең ауқымын шешіп отыр», – деді «Атамекен» ҚР ҰКП Басқарма Төрағасының орынбасары Шыңғыс Темір.

 Жаңа ережелер мониторингтік топтарға келесі бұзушылық негізінде тексеруге құқық береді:

 -жұмыс кестесі;

- отбасылық, еске алу (банкет, той, мерейтой, ас беру) іс-шаралары және басқа да көпшілік жиналатын іс-шараларды жүргізуге шектеу талаптары;

- әлеуметтік арақашықтық;

- маска режимі;

- келушілер санының лимитін асыру.

Қолғаптар, дезинфекциялық кілемшелер және тоннельдердің болуына қатысты талаптарды мониторингтік топтар енді тексермейді.

 Егер мониторингтік топ жоғарыда аталған кемшіліктің бірін анықтайтын болса, онда материалды СЭҚ-қа әкімшілік іс қозғауға жібереді. Осы ретте санитарлық дәрігердің нысанға шығуы талап етілмейді. Мониторингтік топ немесе СЭҚ инспекторына нысанды тексеру үшін шұғыл хабарлама бағыттайды, СЭҚ инспекторы нысанды тексеру парағында қарастырылған талаптардың орындалуына тексереді.

Мониторингтік топтың мүшелері кәсіпкерге айыппұл сала алмайды.

 Тексеруді ашық жүргізу үшін әкімдіктердің сайттарында тексеруге шығатын мониторингтік топтар мүшелерінің тізімі жарияланады, топ мүшелері тексеру кезінде жеке куәліткерін көрсетеді. Осылайша кәсіпкерлер оларға заңды мониторингтік топ келгенін тексере алады, деп түсіндірді Шыңғыс Темір.

 Cыбайлас жемқорлық тәуекелдерін төмендету және мониторингтік топ жұмысының ашықтығын арттыру үшін Ұлттық палатаның тексеру нысандарын алдын ала анықтауға қатысты ұсынысы қолдау тапты.

 «Бұл ұсыныс алдағы жұмыстың қамы. Қазіргі кезде Түркістан облысында пилоттық жоба жүргізіліп жатыр, онда мониторингтік топтардың тексерулерге шығуы ақпараттық жүйеде тіркеліп жатыр, әкімдіктер нақты уақыт режиімінде қандай ауданда бұзушылықтар көп, қандай нысан қандай талапты орындамағанын көріп отырады. Осылайша жемқорлық белгілері төмендейді. Осы тәжірибені барлық өңірлерге қолдануды ұсынамыз», – деп қорытындылады Шыңғыс Темір.

ақпарат көзі: https://atameken.kz/kk/news/40049-proveryat-predprinimatelej-mozhno-tol-ko-po--narusheniyam-santrebovanij 

ҚР Премьер-министрі Асқар Маминнің төрағалығымен өткен Үкіметтің селекторлық отырысында "қарапайым заттар экономикасы"бағдарламасы шеңберінде жергілікті қамтуды дамыту мәселесі қаралды.

Бұл бағытта жүргізіліп жатқан жұмыстар туралы "Атамекен" ҰКП Басқарма төрағасы А.Мырзахметов, "қарапайым заттар экономикасы" бағдарламасы шеңберінде екінші деңгейдегі банктердің бизнес-процестерін оңтайландыру – Қазақстан қаржыгерлері қауымдастығы кеңесінің төрайымы Е. Бахмутова, құрылыстағы қазақстандық қамтуды дамыту – Индустрия және инфрақұрылымдық даму министрі Б. Атамқұлов, реттелетін сатып алулардағы жергілікті қамтудың тиімділігін арттыру жөніндегі шаралар – Қаржы министрі Е. Жамаубаев, "Самұрық-Қазына" ҰӘҚ сатып алуларындағы жергілікті қамту – Қор Басқармасының төрағасы А. Есімов баяндады.

"Қарапайым заттар экономикасы" бағдарламасы аясында 491,5 млрд теңгеге 2 мыңнан астам жоба мақұлданды. Қазақстандық қамту бойынша көшбасшы өңірлер (жекелеген салаларда 70% - дан астам) Алматы, Қарағанды, Қостанай облыстары болды. Артта қалғандардың қатарында Ақмола, Атырау, Жамбыл, Маңғыстау облыстары, Нұр-сұлтан, Шымкент қалалары бар. Құрылыс саласының қарқынды дамуының арқасында соңғы 10 жылда құрылыс материалдары өндірісінің көлемі 176 млрд теңгеден 3,3 есеге артты. 586 млрд теңгеге дейін.

Процедуралық кедергілерді жою мақсатында Үкімет басшысы Қаржы нарығын реттеу және дамыту агенттігіне Қаржыгерлер қауымдастығымен және екінші деңгейдегі банктермен бірлесіп, банктердің бизнес-процестерін оңтайландыру мүмкіндігін қарастыруды тапсырды.

Құрылыс саласындағы жергілікті қамту үлесін арттыру мақсатында Үкімет басшысы Индустрия және инфрақұрылымдық даму министрлігіне барлық тараптардың жауапкершілігін күшейту бойынша тиісті заңнамалық және нормативтік өзгерістерді пысықтауды тапсырды.

Премьер-Министр Қаржы министрлігіне "Атамекен" ҰКП-мен және мүдделі мемлекеттік органдармен бірлесіп бір апта мерзімде отандық тауар өндірушілердің мемлекеттік және квазимемлекеттік секторларды сатып алуға қатысуына кедергі келтіретін барлық жүйелік кедергілерді жою бойынша іс-қимыл алгоритмін дайындауды тапсырды.

Үкімет басшысы әкімдіктер үшін мысал ретінде "Самұрық-Қазына" қорының отандық өндіріс тауарларын қолдану және дұрыс есеп беру жөніндегі нақты талаптарын келтірді, бұл жергілікті қамту үлесінің 69% жоғары көрсеткішіне қол жеткізуге мүмкіндік берді.

Премьер-Министр Мемлекет басшысының тапсырмасын орындау аясында екі ай ішінде Бизнестің қарсы міндеттемелерін сандық бақылау бойынша жұмысты аяқтау қажеттігін атап өтті. Осыған байланысты Үкімет басшысы тиісті заңнамалық түзетулер пакетін дайындауды тапсырды. Бұл ретте "Атамекен"ҰКП цифрлық тұғырнамасы базасында Бизнестің қарсы міндеттемелерінің мониторингі бойынша пилоттық жобаны іске қосу жүзеге асырылатын болады. 

дереккөз: https://primeminister.kz/ru/