|
ЕЭК министрі Вероника Никишина:"Одақтың мақсаты – бизнес мүддесі үшін үлкен еуразиялық кеңістік" Еуразиялық экономикалық одақ (ЕЭО), Еуроодақ, Қытай және Үндістан арасындағы диалогты дамытудағы бизнестің рөлі туралы Еуразиялық экономикалық комиссияның (ЕЭК) сауда бойынша алқа мүшесі (министр) Вероника Никишина Мәскеуде өткен VI Еуразиялық экономикалық конгресстің пленарлық отырысында айтып берді. ЕЭК министрінің пікірінше, бизнес бүгін ЕО мен Ресей арасындағы дағдарысты еңсеруге және ЕЭК мен Еуропалық комиссия арасындағы диалогты жандандыруға ықпал ете алады. Вероника Никишина санкция режиміне қарамастан, ЕАЭО мен ЕО мүше-мемлекеттердің іскер топтары бір-біріне сенімді серіктес болып қалатынын атап өтті. Бұған бірқатар факторлар ықпал етеді, олардың ішінде – аумақтық жақындығы, қалыптасқан және дамыған көлік инфрақұрылымы, сұраныс пен қаржылық мүмкіндіктер тұрғысынан бір-біріне түсінікті нарық, сондай-ақ ұзақ жылдар ішінде қалыптасқан бірлескен жұмыс тәжірибесі. Сонымен қатар, ЕЭК министрі атап өткендей, реттеушілер тарапынан бизнеске тиісті қолдау көрсету үшін нақты мәселелерді шешуге бағытталған ынтымақтастық нығайтылуы тиіс. "Бүгін біз екі комиссия – Еуразиялық және Еуропалық Комиссия арасындағы өзара мүдде мәселелері бойынша деполитизацияланған сараптамалық диалогты іске қостық", – деп атап өтті Вероника Никишина. ЕЭК министрінің пікірінше, негізгі міндет бизнесті реттеудің практикалық мүдделеріне барынша жауап беретін мәселелерімен сараптамалық диалогты толтыру болып табылады. "Саудаға тартылған кәсіпкерлерден басқа ешкім де өз проблемалары мен міндеттерін жақсы білмейді. Мысалы, бұл кедендік әкімшілендіру мәселелері. Сондықтан бизнеске белсенді болу керек, ал біз өз тарапымыздан саудадағы кедергілерді азайту үшін сапалы қажетті жолсеріктер болуға дайынбыз", – деді Вероника Никишина. Сонымен қатар ЕЭК министрі мұндай сараптамалық диалогтың мүмкіндіктерін асыра бағалауға болмайтынын атап өтті. ЕО-мен өзара іс-қимылдың тұрақты және ең бастысы тиімді тетігін құру үшін оның белгілі бір институционалдық көрінісі болуы тиіс. Вероника Никишина сондай-ақ" Лиссабоннан АСЕАН Оңтүстік-Шығыс шекараларына дейін " Бірыңғай экономикалық кеңістікті құру тақырыбын қозғады. Бұл тұрғыда ЕАЭО маңызды сауда-саяси жобаларды жүзеге асыруда. 2016 жылдың қазан айынан бастап Вьетнаммен еркін сауда туралы Келісім әрекет етеді. Осы жылдың қазан айында Сингапурмен және Сербиямен еркін сауда туралы келісімге қол қойылды. 25 қазанда Қытаймен сауда-экономикалық ынтымақтастық туралы Келісім күшіне енді. Ол бизнесті жүргізу шарттарын оңайлату және Үлкен Еуразияны қалыптастыруға нақты үлес қосатын ортақ мүдде жобаларының пулын қалыптастыру үшін негіз ретінде қарастырылады. Бұл бағытта 27 қазанда Иран Ислам Республикасымен еркін сауда аймағын құруға алып келетін уақытша Келісімнің күшіне енуі да маңызды қадам болды. Египет Араб Республикасымен және Израиль мемлекетімен келіссөздер жүргізілуде. ЕЭК министрі атап өткендей, бұл жұмыстың маңызды бағыты Үндістанмен еркін сауда туралы келісім бойынша келіссөздер болады, оның рөлі Үлкен Еуразияны қалыптастыру процесінде асыра бағалау қиын. Отырысқа "Интеза" Банкінің Директорлар кеңесінің төрағасы Антонио Фаллико, Еуропалық Бизнес Қауымдастығының Бас директоры Франк Шауффф, Мәскеу Үкіметінің министрі, Мәскеу Үкіметінің сыртқы экономикалық және халықаралық байланыстар департаментінің басшысы Сергей Черемин қатысты. |